Luck at First Sight, unang pelikula na pinagsamahan nina Jericho Rosales at Bela Padilla

Pinagtambal sa kauna-unahang pagkakataon ng Viva films at N2 productions ang asian drama king na si Jericho Rosales at ang primetime TV gem na si Bela Padilla sa isang produksyon ng multi-awarded director na si Bb. Joyce Bernal.

Ang pelikulang “Luck at First Sight” ay mula sa direksyon ng batikang director na si Dan Villegas.

Sa pelikula, gagampanan ni Echo ang karakter ni “Joma Labayen”, isang down-on-his-luck guy na naniniwala sa isang “life charm” ang magbibigay ng kulay sa mga pangkaraniwang kaganapan sa kaniyang buhay.

Aksidente niyang makikilala si “Diane dela Cruz” na ginagampanan ni Bela na magiging ugat ng pinakamatinding desisyon sa kanyang buhay.

Pinoy ‘To: Alamin kung papaano ang responsableng pamumundok

Maliban sa magandang benepisyo na maidudulot ng mountaineering sa kalusugan ng tao isa rin sa dahilan kung bakit ito sinusubukan ng marami sa atin ay dahil sa magandang tanawin na makikita sa dulo ng trail.

Sa kabila ng magandang karanasan na naibibigay ng ganitong aktibidad tila nakalilimot ang karamihan sa responsibilidad na kaagapay sa pag-akyat ng bundok.

Taong 2014 sa isinagawang three-day clean-up drive 2.6 tonelada ng basura tulad ng balat ng candy, cellophane, basyo ng plastic water bottles, maging sanitary napkins at upos ng sigarilyo ang nakolekta sa Mt. Apo.

Dulot ito ng mga iresponsableng mountain climbers na syang sumisira sa kagandahan ng pinakamataas na bundok sa Pilipinas na matatagpuan sa Mindanao.

Teen sing and dance group na “Pop Girls” may bagong single na “Bad Boy”

After 4 years nagbabalik muli ang teen sing and dance all girl group na “Pop Girls” sa music industry dala ang kanilang bagong single na “Bad Boy”.

Taong 2009 ng nabuo ang pop girls na siya ding grupo na pinaggalingan ni Nadine Lustre.

Binubuo ng limang miyembro ang latest version ng Pop Girls na sina Rosalie, Aubrey, Carlyn, Jean Kylie at Andrea.

Kabilang ang Pop Girls sa inilunsad ng Viva Entertainment na “P-Pop Generations” na kinabibilangan din nina Ella Cruz, Julian Trono at iba pang mga kabataang performers.

 

1st TOFARM songwriting competition sa bansa, matagumpay

Ginanap na ang pinakahihintay na finals night ng 1st TOFARM songwriting competition sa Samsung Hall ng SM Aura, Taguig City.

Ito ay sa pakikipagtulungan ng mga sponsor at media partner nito at isa na nga dito ang Net 25 at Pinas FM 95.5.

Sa naganap na final night, nagpakitang gilas ang sampung interpreters na siyang nagbigay buhay sa mga kantang kalahok ng sampung songwriters.

Ang tema ng songwriting contest ay “Planting the Seeds of Change.” Tampok ang ibat- ibang genre  tulad ng folk, acoustic, rock, rap, jazz, R&B, country, Pop, inspirational at fusion songs.

Itinanghal bilang 3rd place winner ang kantang “Magtanim ng Bago” ni Lj Manzano na ininterpret ng Ben&Ben kasama si Mr. Boboi Da na nakakuha rin ng “People Choice Award”.

Mr. and Ms. Face and Body 2017, nagsimula na; grand finals, gaganapin sa April 9

Unang sabak pa lang sa rampahan, nagpakitang gilas na ang mga kalahok sa Mr. and Ms. Face and Body pageant competition.

Suot ang kanilang mga formal wear, kasama ang iba’t ibang accesories ay nagpakitang gilas sa pagrampa ang labinglimang mga kalalakihan para sa Mr. Face and Body 2017 at labing lima ding mga kababaihan para naman sa Ms. Face and Body 2017.

Ang iba sa kanila ay first time ang ilan naman ay ilang beses na sumasali sa marami na ding mga beauty pageant.

Allen Dizon, nag-aral ng sign language para sa bagong pelikula

Pinagbibidahan ito ng award winning actor na si Allen Dizon at aminado siya ito ang pinaka-challenging na role ang gagampanan niya. First time niyang gaganap bilang pipi na nagta-trabaho sa isang funeraria.

Nag-pictorial na ang isa na namang makabagbag-damdaming indie film na pinamagatang “Bomba o The Bomb” mula sa panulat at direksyon ng internationally acclaimed director na si Ralston Jover.

Kuwento ng kahirapan ang tinutumbok ng pelikulang ito. Sumasalamin sa mga totoong kaganapan at pangyayari sa kasalukuyang panahon.

Iba’t-ibang mukha ng kahirapan at ang mga ginagawa ng ating mga kababayan upang mabuhay at may makain sa araw-araw.

Narnia star na si William Mosely, nasa Pinas para i-promote ang rom-com film na “Carrie Pilby”

Nag-eenjoy si William Mosely sa kaniyang pananatili sa Pilipinas sa loob ng isang Linggo. Dumating sa bansa ang hollywood actor para sa ginagawang promotion ng pelikulang “Carrie Pilby”.

Nakilala si Moseley sa kaniyang pagganap bilang si Peter Pevensie sa fantasy movie series na “The Chronicles of Narnia.”  maituturing niya raw ito na biggest break  sa show business.

Nagsimula ang actor sa show business nuong 11 years old pa lamang siya at mula nuon sunod-sunod na mga proyekto ang kaniyang ginawa mapa-adventure films man, drama o horror films tulad ng friend requests.

At dahil all grown up na si Moseley, bibida naman siya sa isang romantic comedy movie. ito ang live adaptation sa big screen ng best-selling novel ni Caren Lissner.

Nakasama niya sa pelikula si “Bel Powley” na siyang gaganap bilang si Carrie. Ang isang babaeng may kakaiba at wirdong personality. Gagampanan naman niya ang karakter na si “CY” na isang masugid na manliligaw ni Carrie.

Assunta de Rossi, bibida sa pelikulang “Higanti”

Ginanap ang red carpet at premiere night ng pelikulang “Higanti” noong Marso 20. Kuwento ng paghihiganti ang tinutumbok ng pelikula.

Ang “Higanti” na mula sa gitana film productions ay iikot sa isang pamilya na ang ama ay isang tiwaling pulitiko na magkakaroon ng problema sa kaniyang pamilya.

Isang mayamang pamilya na maghihirap dahil sa pagiging ganid sa salapi at pagiging makasarili.

Pinagbibidahan ito ni Assunta de Rossi na siyang maghihiganti sa pelikula. Lalaban siya kahit na anong mangyari upang maibalik kung anumang kinuha at inagaw mula sa kaniya.