Iba umano ang excitement kapag kasama mo ang isang mahalagang tao sa isang proyekto.
Ayon kina Khalil Ramos at Gabbi Garcia na bida sa PPP 2019 entry na “LSS” pareho silang laging inspirado sa bawat shooting days kahit nahirapan sila sa simula.
Isa sa dahilan ay naging kumportable na sila sa isa’t-isa at nagkatulungan na din para makapag-adjust.
Aminado din ang dalawa na minsan ay nagkakaroon sila ng tampuhan subalit agad naman nila itong nareresolba sa pamamagitan ng pang-unawa sa isa’t-isa. Kaya going strong ang kanilang relationship.
Mapapanood na ang ‘LSS’ ng magkasintahan simula sa September 13.
Kasama nila dito ang bandang ‘Ben & Ben’ at idinirek naman ni Jade Castro.
Ang pelikula ay inspired sa mga awiting napasikat ng bandang ‘Ben & Ben’ tulad ng Kathang-isip, Leaves, Maybe the Night, Ride Home at marami pang iba.
